公司旅行, 8月中已經比咗deposit緃x遊去台灣... 等到9月中佢話唔成團(當中已經追咗冇限次confirmation), 叫我哋改去馬拉! 最後last minute唯一926-929有4日團係美麗x去越南蜆港...
跟住又嗱淋趕攞visa... single entry HK$640!!! Not to mention越南領事館d staff有幾pro幾好態度...
終於到926, 朝早5:25機場集合... 好眼瞓
第一次搭港龍, 細機, 比想像中好!
早餐叫咗點心
飛蜆港只須1小時10分鐘, landing時突然班機飛番起(嗰刻以為自己坐緊戰機, d客叫晒咁, 嚇死我...) 坐窗口位d話嗰時仲差1000m已經land, d"碌"都已經落咗! 抽完頭先收番d"碌", 跟住captain announce話跑道比第2班機block咗(captain都幾激動吓)... 好彩captain夠勁咋, 有驚冇險
Na Dang International Airport... 好細嘅機場... 似美國鄉下地方d機場咁
(落機第1個感覺: 好熱! 第2個感覺: 咁似泰國嘅?!)
第一個節目: 坐3個鐘車去順化
行行吓有車豬片出嚟, 好攪笑!
由於HK冇越南盾"唱", 唯有同導遊"唱": HK$500有VND1250000!
(䦕茶會時已經叫定我哋唔好"唱"咁多因為冇乜嘢買... 其實係食晒&比晒tips囉!)
到順化先先食lunch先
越南係好多地方冇冷氣㗎! 呢間咁靚嘅餐廳係靠風扇同噴水...
呢餐"越式風味餐"有洋蔥疍, 類似糯米包住d蝦米嘅嘢(幾好食㗎)
唔知乜嘢撈埋一碟, 咸咗d嘅沙甸魚
扎肉, 有d咖喱味嘅雞
炒蝦, 我冇飲到貌似豉油薑水嘅湯
炒豬肉&炒菜
另外加錢叫嘅超級無敵掂嘅越式咖啡!
食完就sight seeing, 一人派一頂越南㡌... 又熱又曬, 帶咗帽仲要"dam"遮...
睇完stop by去食嘢, 其實又係sell呢d餅同茶葉?! 結果我買咗包茶葉, 後尾先發覺買貴咗一倍!
又行第2個地方...
結果頂唔順去買椰青飲. VND20000 (HK$8), 不過冇泰國d好飲
其他人飲汽水or青檸梳打
青檸梳打原來整嘅過程全部用手, 包括"chit"青檸, 落冰...
好靚嘅越南衫
下個節目係坐船, 40分鐘內不停咁sell賣手信... 可惜... 我哋大部分人都瞓覺
終於到酒店喇, 冷氣ahhhhhhhh
Best Western Indochine Place, 好靚好舒服!!!
沖個涼又食飯喇
什麼"順化皇帝宴"
仲有人即場表演, 當然導遊每人規定要比某個數目tips啦, 攪到有d唔開心 (個pk導遊態度太差!)
食完飯番酒店, 格離有Big C(超市)! 點知... 手袋唔比入, 結果唯有去附近夜市
原來926係越南兒童節, 佢哋兒童節興... 舞獅!!! 真係估佢唔到!
去到夜市已經有d驚, d電單車周圍飛, 又撞正舞獅... suck咗一輪走唔到
臨瞓前再去cafe隊多杯啡, 大約HK$5, 超抵!
第1日完, 感覺: 好熱, 不過越南真係好好乾淨!
No comments:
Post a Comment