新麻浦

銀行中心新麻浦, 全靠V小姐一早去排隊先有得食! 之前老銅新開時試過排2粒鐘都排唔到...

比起其他韓燒, 呢間勁好坐! 唔迫, d人又靜d! 可能因為d抬離遠d?!

未落order已經有前菜, 仲係free refill! Salad勁好食

2人食, 叫咗最貴嗰個set, 因為有我未食過嘅護心肉

牛肉刺身壽司, 會比你揀全熟or半熟

包埋嘢飲

護心肉, 其實同普通肉好似冇乜大分別

個set最好食其實係個辣雞

呢間嘢service仲好好, 成日換網之餘, 見我哋燒燶咗d肉仲幫我哋剪咗d燶咗d邊...

最後我哋再加疍

甜品(跟set)係"pou"冰, 我哋加咗錢要blueberry cheesecake

嚇死人咁大碗, 其實食之前已經超飽諗住試吓就算, 點知... 勁好味勁足料勁多cheesecake! 又成盤食晒咁滯...

超滿足, 不過要減肥嘅人千其唔好去, 因為一定會"song"食

Yamaton 大和豚総本店

想食好嘢又唔駛等位, 永遠都係雅蘭大和豚総本店... 去親都係得幾張枱

今晚新出韓式芝士排骨

排骨好䭃, 真係幾好食!

可惜...

經理走過嚟話買咗部新相機, instant嗰隻, 問可唔可以映我地, ok冇問題吖

Set好晒嘢映相, 映唔到, 叫我哋等等...

全間嘢d staffs一齊研究部機, 結論係... 壞咗! 我哋個芝士排骨... 燶咗!!!

(最後送咗張discount card比我哋)

辣豚肉美人鍋, 又係好好味!

呢杯乜乜drink都ok吖

其實呢間嘢食物質數真係唔差, 點解咁少人幫襯呢?!

大自然素食

食"jai" (vegetarian), 對我呢d無肉不歡嘅韓燒邊爐怪簡直係奇蹟!

朋友介紹, 老銅大自然素食.

我印象中"jai"應該係好似佐敦六榕仙館咁, 大自然素食係so called"新派素食"

一睇menu... 三文魚壽司?! 巧得意(係, 我真係好out)

得意還得意, 食落呢... 係"kui藥" (jello) + 飯

紅燒牛肉巷, 好heavy... d牛肉係... 豆腐乾?!

南瓜焗飯, 超大個, 食唔晒

焗豬肉卷, 呢個有驚喜! 食落真係似肉!

結論: 六榕仙館好食d... 我諗我真係好out囉

自家韓燒

我今年嘅生日禮物, 多得肥媽食平3D - 德國佬韓燒機一個!

呢次係第二次, 第一次唔識將d料攪到超厚燒極都唔熟...

呢次呢, 攪d易熟嘅!

雞翼, 用咗法式香草sauce"葉", 出奇地好味

黑椒+鹽三文魚骨, 簡單方便

一田買嘅日本... 帶子? 用蒜容牛油, 成晚最掂係佢

咩都冇落嘅多春魚, 好香

日式雞串, 我覺得太甜

蒜容牛油茄子... ok啦

芝士煙肉大菇(haha), 菇要先㷛熟如果唔係會好乾(上次衰咗啦)

百佳買已經"葉"好豬扒, 燒咗一塊已經飽咗!

蒜容牛油蝦

厚牛扒, 啱啱5成熟!

一枱都係... 又一次買多咗

屋企食, 又真係幾舒服嘅! 部機都ok易洗, 仲做到無煙先勁, 大愛!!!