唔New York嘅New York Cafe + 冇B仔嘅涼粉

難得有人肯帶我入元朗見識見識(正常唔係住嗰附近都唔會尊登入去行街食飯啦係嘛...), 仲plan好食乜book好枱... 真係多謝譚小姐!

放咗工4點幾响MK出發, 譚小姐教搭巴士好過坐火車, 1個鐘左右就到啦.

枱book咗19:30, 仲有成個鐘hea... 原來元朗真係冇乜嘢行(結果去咗... 千色店!)

終於到19:30, 到達full booking嘅New York Cafe, 原來話舊舖冇位要去新舖, 後尾又比我地坐番舊舖...

舖出面又真係幾美式, 入面呢... 普通港色西餐廳style.

坐底先送呢2"dull"嘢嚟...

D corn chips... 淋咗!!!

因為要留肚食甜品, 叫小d嘢

Cajun fries w/ cheddar cheese dipping... 丁點cajun味都冇, dipping冇cheddar味, 不過d fries幾好味

Chicken quesadillas, 都唔係用tortilla嘅?! Ok好味, 當fusion囉

Beef burrito, 又係"fusion"嘢, 裏面係steak加peppers同onion. 其實呢碟最好食係下面d薯溶.

唔記得幾錢添...

佢哋serve d嘢... 對未食過Mexican嘅客可能好ok... 又唔可以話差... 港式囉

食完就去試傳說中嘅B仔涼粉喇!

呢間嘢我聽就聽咗好多年, 食就第一次...

其實嗰個area幾得意, d枱响晒街咁(後面d餐廳)

未去之前都有d expectation㗎, 咁出名喎, 連exchange o camp d仔都半夜偷出去食!

點知... 地方就真係污"joe", d蟲(flies)周圍咁飛

D亞姐們, 叫10次都唔啋人(呆坐等落單5mins)

D嘢又亂送... 冇啦啦"dum"㡳碟雞翼尖走咗去...

價值$70主角終於出場...

其實即係生果加涼粉...

Anyways, 都係一個experience嚟嘅...

都係嗰句: 見識過就算

El Gaucho - Argentina cuisine

上次經過馬交氹仔見到間餃子專門店今次諗住去試吓, 行到一半又比我"lur"到食Mexican嘢(我唔好唐餐...), 點知, 行行吓見到呢間叫El Gaucho食阿根廷嘢嘅餐廳... 因為未試過2個傻人就咁"中"咗入去...

入到去得我哋1枱... 因為太早(6pm?), 因為天氣唔好, or因為d waiters/waitresses全部係外國人?!

Plate mate係皮嘅... 不過有人話係假皮...

Drinks... 我叫Pina Colada juice... 好難形容嘅味道... 有d似開"希"咗嘅咳水+syrup

Bohemia啤酒... 好淡嘅啤酒味...

由於我哋冇食過阿根廷嘢, 唯有試d個樣特別d嘅

 Ensalada Asada, 話grill salad咁話, 係zucchini茄子mozzarella cheese grill咗, sauce應該係醋加olive oil... 甜咗dd

Grilled Provolletta Cheese, 煮溶咗嘅cheese點麭食... 好好味! 缺點係要快食... 凍咗d cheese會乾咗

等咗一輪之後, 主角出場喇! Mixed Grill Serve with Green Salad & Bread

個mixed grill, 有牛, 豬, 雞, 羊, & 腸

正所謂希望越大失望越大... d嘢駛唔駛咁熟呀? 乾到食樹皮咁

條腸... 似煮咗廿分鐘嘅minced pork...

Green salad d dressing又係 vinegar + olive oil...

到我哋食完都係多一枱客...

其實呢餐又唔貴bor... MOP400+

不過所謂嘅阿根廷菜, 見識過就算喇. 

Shalimar印菜

大埔太多好嘢食, 當中最surprises me係呢間印度菜!

印像中呢間嘢開咗10+年... 好似見過好耐. 第1次去食好似係... 舊年?

其實呢間嘢真係幾抵食, 有$35 set lunch. 不過呢 呢日同個大食人一齊, 叫咗個2人餐.

Appetizer 有呢個薄餅(?), sauce跟綠色好咸呢個同茄汁

咖喱薯角, 硬咗d

咖喱牛(左)同焗什菜,  再跟一白飯一naan bread

主角出場 - chicken tikka Masala!!!

2 thumbs up!

連2個drinks, 10% service charge都係HK$200+, 仲駛乜去重慶?!

Gelatina Artistica: 失敗的花之果凍

晌光波爐食譜研究社d波友呢排興整花之果凍, 結果... 我當然係買齊料買齊針筒又試玩下啦

D波友又整到鬼咁靚...

由其是"少年耆英"... 靚到呢!

我晌光波爐食譜研究社跟呢位大師recipe整, 好似好易bor, 又個個都話"第一次就成功"...

今次用4色, 黃啡緣&紅...

針筒用10ml...

結果...

支針每吉2野又"suck", 個jello又比我隊爛晒, 仲甩唔到模!

超級frustrated...

仲冼餐死... 呢堆只係冰山一角... 

Chili Fagara 麻辣湯

呢間有可能係全港最好食嘅川菜... local冇人介紹過, 反而介紹香港d travel guide有recommend, 真奇怪...

(http://hk-magazine.com/restaurants/hong-kong-restaurant-reviews/chili-fagara)

呢間嘢係堅好味, location勁差! 我之前都住咗中環幾年, 加上睇埋google map都竟然原全搵唔到! Ended up我遲咗成個鐘先到.

環境... 好細... 我諗大約得8張枱左右? D客以外國人多(2枱韓國), 好黑, 乜相都映唔到, 所以呢次d相全部上網download㗎...

Side dishes有幾個... 勁辣... 即刻order汽水先得.

由於我遲到冇睇個個menu, 所以唔知d餸叫乜, 不過最好味有呢個

一片豬加一片青瓜加sauce食, 唔辣㗎好好味

麻婆豆腐... fair啦

四季豆夠辣, 唔錯

雞... ok啦

仲叫咗冇乜魚嘅水煮魚 (最common個餸反而冇相search到?!)

成餐最特別嘅係飯, 因為係"是"油(soy sauce)碟size... 我要食2碟

埋單1200多d... 下次再試其他餸!