ISquare 上海婆婆336

ISquare係一個好奇怪嘅mall - 永遠都唔知點解成日會"dull"錯路... 上6/F都"dull"咗一輪好似入咗maze咁

終於到6/F... 腳都軟埋

好彩地最後一張2人檯坐到!

雞絲粉皮, 個樣好得, 食落就...

㰖菜四季豆, pass!

小籠包, 冇乜特別

唔知咩菜炒年糕, 因為個菜未食過唔知咩味冇比較

埋單$240, 平喎! 總括嚟講味道偏淡, 不過唔算油呢吓要比like!

The Alchemist Cafe Bistro牧羊少年咖啡．茶．酒館

隱世牧羊少年咖啡．茶．酒館, 唔識路都幾難揾.

8人以上先有得book位, 所以去排隊啦! 好彩一齊人就有位

間嘢好台灣feel, 去d人好斯文咁, 一d都唔嘈 (我哋最嘈... 希望冇被blacklist)

Chicken caesar salad, 係雞亁咗dd....

超級拼盤... 真係超級大

焗豬扒飯, 豬冇試, 個汁幾好味

Seafood pizza, 焗耐d好d

麻麻嘅牛柳粒, 食咗2粒都係筋

幾勁黑椒嘅焗菇

5人食$620, 抵! 個trick係冇叫嘢飲... 要$38-50/杯

5個姐妹食吓嘢吹吓水, 環境真係唔錯

南翔饅頭店

做完會展, 最近去銅鑼灣行街. 又大雨又剩, 早d食飯好過

銅鑼灣廣場一期南翔饅頭店, 米豬蓮食府, 又話Clinton等都要專登去食... 大把位唔駛等!

唔知係乜前菜, 又幾好味!

想試用飲管飲汁嗰隻小籠包, 又驚食唔落其他嘢, 唯有叫正常小籠包

每日一個special半價, 星期日係海參

都好大碟下

仲有我最愛蘿蔔絲酥餅

好似x翠(jade)拉麵好食d

叫... 叉子燒餅?! 小啖

山東手撕雞

全晚最like呢個

2人埋單唔駛$500... 又幾抵食喎!

The Pan 達人烤肉

原來7點reservation, 因為紅雨冇mood行街, 6:30左右已經到咗老尖達人烤肉. Book檯時已講明限食1.5 hours, 坐底立刻睇menu落order, 驚死食唔切!

Typical韓燒格局, waiters/waitresses全韓班, 英語溝通.

Side dishes少得可憐(其實係... 冇?)

試咗幾樣嘢

火五花腩肉: 落酒, 點火... gimmick嘢. Openrice好多人推, 唔試邊得?!

護心肉, 我哋揀咗蒜味, 真係堅蒜

用生菜包住食啱啱好

朋友揀嘅... 豬腸? (or牛?)

好肥... 食落有d恐怖

仲有牛舌&特牛肋骨肉

送嘅炒年糕... 夠辣, 正!

連汽水差唔多$900... 7080抵好多! 起碼菜有free refill, 呢度要$10/份

食完都未夠8點, 又停咗雨行咗陣去K11隊啡. 咁又過咗一晚喇

85 South

原來打算去尖東Seafood Stand, 因為去中環行街, 結果改location. 一路搭地鐡一路search open rice, 見到呢間85 South有14個smiley, 好似好得咁

地址係九如坊6-10號, 都唔知點解住過中環幾年都係唔識路, 結果麥玲玲上身咁開住羅更(map)揾...

舖頭細細, 廿個位左右? Self serve形式, selection唔多.

2人叫咗一個set加2個sides(+ cokes x2).

呢set有half ribs, 雞脾 & coleslaw (好似叫ribs & chicks)

Ribs非常好味, 加埋d sauce一流! 雞就淡d, 不過一d都唔"鞋"

Coleslaw好好味, 辣辣哋又夠酸!

Sides 叫咗house green & onion rings.

House green好fresh好開胃, 洋蔥圈... 有機會係我响香港食過最好食嘅!

埋單$240, 超級滿足超級飽! 唯一要彈係電話收唔到"mud"滯, 要check-in load相就要比d耐性囉