懷舊港式扒房 - 金雀餐廳

對上一次去金雀餐廳... 我估起碼... 4, 5年前? 印象中好似冇乜特別, 同金鳳花園等同grade. 今次有老細要落order去食, 一於去老銅食飽飽先去行街街啦!

去之前習慣上OpenRice睇下有乜推介, 結果... 講黎講去都係講環境...

So-called "懷舊feel"... 其實同"幾廿年冇裝修"有乜分別?

呢間野一直emphasize"花樣年華/2046拍攝現場"

攪到我都唔知我究竟係黎据扒定据梁朝偉...


是日叫左大件夾抵食既set lunch

 

雞肉忌廉湯(連dinner roll), 湯ok, 雞肉堅鞋!
 

 

呢個叫"xxx炸魚柳"(好似係託馬圖?) 頂! 原來係tomato!!!

都幾好味, 好大塊, 不過有骨...

港式牛扒, 冇金鳳d "拿"到好"林"... 個人喜好d雜豆冇紅羅白青豆仲好, 唔駛我揀得咁辛苦...

 

最後一定唔少得港式扒房甜品+野飲...

呢個set每人$150... 其實都幾抵, 食完飽足一日!